НА МЕТА БУГАРСКОТО ПОДМОРЈЕ: “Шел” ќе истражува нафта и гас во Црно море!

Добивај вести на Viber

Компанијата "Шел Експлореишн енд Прадакшн (LIX) Б.В." е избрана за носител на дозвола за пребарување и истражување на нафта и природен гас во блок "1-14 Силистар", во бугарското подморје.

Вчера комисијата ја заврши својата работа и имаме избран изведувач за истражувањето во најголемиот блок - "Силистар", тоа е компанијата "Шел" - еден од светските лидери во индустријата, коментира пред новинарите министерот за енергија Теменужка Петкова, пренесоа агенциите.

Според неа од "Шел" ќе вложи во истражувањата 18,6 милиони евра без ДДВ и ќе плати на државата 4.9 милиони евра без ДДВ бонус за потпишување на договорот за пребарување и истражување.

Според министерот ова е многу сериозен успех и еден од првите и важни чекори за диверзификација на изворите и правците за испорака на природен гас.

Предложената работна програма на компанијата вклучува 2-D и 3-D сеизмички студии, како и мерки за заштита на животната средина, човековото здравје и културните вредности, соопштија од Министерството за енергетика на Бугарија.

"Ројал Дач Шел плс" - компанијата-мајка на "Шел Експлореишн енд Прадакшн (LIX) Б.В.", речиси 30 години е лидер во длабински истражување и екстракција и има повеќе од 20 големи проекти. "Шел" го познава добро црноморскиот регион, бидејќи неодамна изврши длабински прелиминарни дупчења во блок на Турција во западното Црно Море.

Се очекува договорот за пребарување и истражување во блок "Силистар" да биде потпишан до месец откако владата ќе го одобри и го овласти министерот за енергетика да го склучи. Петкова изрази надеж до крајот на октомври да има потпишан договор со компанијата.

Во одговор на новинарски прашања, министерката рекла дека за блок "Силистар" имало и други кандидати, купиле документација, но само од "Шел" поднеле понуда.

Од компанијата имаат опција за дупчење, ако проценат дека треба да се направи.

При блок "Терес", за кој исто така беше прогласен конкурс, имало купени документи од пет компании, но не е добиена понуда, поради што ќе започне постапка за прекин на натпреварот, информираат од министерството.

Лансирањето на конкурсите за пребарување и истражување во длабокото Црно Море беше една од првите одлуки на Владата во енергетската сфера. Намерата е да се зголеми локалната екстракција чекор кон она што е и истражувањето на блок "Силистар".

Во напредна фаза е и истражувањето во блок "Хан Аспарух", за што беше склучен договор во 2012 година

Во почетокот на следната година претстојат првите прелиминарни дупчења во блок "Хан Аспарух".