НА ОРБАН МУ ГОРИ ПОД НОЗЕ: Еве што му порачаа Унгарците
Објавено во: Свет 22 Декември, 2018
Илјадници Унгарци синоќа излегоа на марш против премиерот, Виктор Орбан.
Маршот е во организација на сатирична политичка партија „Куче со две опашки“ (МККП).
Протестот е организиран поради донесувањето на два контроверзни закони, кои критичарите го нарекоа „робовладетелски закон“, а МККП, во својот дух, организираше протест со цел „да ја поддржат владината политика, Божик и паѓањето на снегот”.
Еден од демонстрантите носеше транспарент со натпис „Среќен шеф, мрачна недела”.
„Робовладетелскиот закон” им овозможува на работодавачите да бараат до 400 часа прекувремено работно време секоја година, додека вториот закон претставува темел за основање судови за кои критичарите велат дека можат да бидат предмет на политички манипулации.
Орбан постојано тврди дека протестите се поттикнати од платениците на Сорос, а Фондот за отворено општество на Сорос таквите тврдења ги демантираше
Ова не е прв ваков протест. И претходно, граѓаните излегуваа на протест против Орбан.