На распит газдата кој уплати 16 милиони денари на сметка на Меѓународниот сојуз на Боки 13
Објавено во: Македонија 03 Септември, 2019
Сопственикот на Дрим Билдинг, Ардијан Амзоски, од претпладне се наоѓа во Обвинителството за организиран криминал и корупција, каде што дава исказ за случајот „Рекет“.и уплатените 16 милиони денари на сметката на Меѓународниот сојуз на Боки 13.
Градежната фирма на бизнисменот тврдеше дека била изманипулирана за склучен договор за стратешко партнерство и деловна соработка со Меѓународниот сојуз за изградба на старечки дом во Карпош и ги побара парите да и се вратат назад.
Сепак контроверзите добија поширок случај во јавноста, бидејќи од опозицијата тврдеа дека Амзоски бил поврзан со случајот „ТНТ“ на Специјалното јавно обвинителство, чија шефица Катица Јанева сега е во притвор.
Деновиве се засилени повиците за распит кај обвинителката Вилма Рускоска, а вчера поканети беа водителката Лила Филиповска, инаку другарка на Бојан Јовановски, и Силјан Мицевски, газдата на градежната компанија „Пелистер“.