На саем во Хелсинки: Ќе има навала од Фински туристи, каде ќе ги сместиме?!

Добивај вести на Viber

Македонија се претстави на најголемиот Нордиски Саем за патувања и туризам МАТКА, што се одржува во Хелсинки од 16 до 20 јануари оваа година. Овде македонските тур оператори од имаа можност да остварат средби и контакти со водечките фински тур оператори, а со цел продолжување и интензивирање на досегашната соработка. „Од особена важност за нас како бизнис сектор е што овој пат добивме директна поддршка од Владата во однос на зголемување на субвенциите за туристите од Финска.Многу сме задоволни од залагањето и проактивниот пристап на амбасадорот Кире Илиоски со помош на кој остваривме бизнис контакти кои отвораат нови перспективи и можности за уште поголем инкаминг туризам од овој дел на светот“, посочи претседателот на Стопанската Комора за туризам, Лела Крстевска. Според најавите, веќе се постигнати и конкретни договори со неколку фински тур оператори што е добар почеток за регрутирање на туристи од Финска и регионот. Цел на македонските тур оператори е  да станеме лидери на скандинавскиот туристички пазар, а овој саем треба да послужи како пример за добра и успешна туристичка презентација на Република Македонија.