На саем во САД, се бараат инвеститори од автомобилската индустрија
Објавено во: Економија 16 Јануари, 2013
Инвестициските можности што ги нуди Македонија во автомобилската индустрија се претставени на светскиот конгрес што се одржува во Детроит, од 15 до 17 јануари.
Како што соопштија македонските претставници, остварени се средби со претставници на голем број компании со кои контактираат веќе подолго време, како и со компании присутни на економското претставување на Македонија од страна на Владата во ноември лани во Детроит.
„Присуството на државна институција од Македонија на конгресот беше позитивно оценето и од организаторот и од голем дел од учесниците кои го посочија ова како пример за држава која работи активно на промоција на можностите и привлекување странски инвестиции“, соопштија од Дирекцијата за технолошки индустриски развојни зони.На конгресот во Детроит учествуваат над 1.000 делегати од производители на автомобили и водечки производители на компоненти за автомобилска индустрија од САД и светот. Презентации извршија претставници на Форд, Ауди, Крајслер, Хонда, Хјундаи и БМВ, како и глобални производители на компоненти како Денсо, Континентал, Магна, Џонсон Контролс, Брос и Борг Варнер. Беа презентирани и перспективите и глобалните трендови на индустријата во 2013 година. Освен Македонија, со свои штандови на конгресот се претставија и Канада, Англија и региони како Вирџинија и Луизијана.
Конгресот се одржува во пресрет на најважниот годишен автомобилски настан во светот „North American International Auto Show“ (NAIAS).Можеби ќе ве интересира
ГРЦИЈА ДЕФИНИТИВНО ПОСКАПУВА: Поевтин ли е одморот во друга земја од регионот?
ЕВРОПА ЖИВЕЕ НА КРЕДИТ: Франција никогаш не била позадолжена
„НОВА ГОДИНА, НОВИ ПРАВИЛА“: ЕТИАС е поевтин од било која виза
„Божиновска доби покана да биде дел од глобалната сцена - Македонија со место на светската маса на престижниот Берлинскиот енергетски форум “
ИМ ТРЕБААТ ВОЗАЧИ, МЕСАРИ, КЕЛНЕРИ: Кои други профили се барани во Германија?
„ЗА ШЕСТ МЕСЕЦИ НАПРАВИВМЕ ПОВЕЌЕ ЗА ГРАЃАНИТЕ ОТКОЛКУ ПРЕТХОДНАТА ВЛАДА ЗА 7 ГОДИНИ“: Владата го кани УПОЗ на разговор
„АЛЕКСАНДАР, ДЕЛУВА НАВИСТИНА ИМПОЗАНТНО ОВА ШТО БЕШЕ НАПРАВЕНО“: Николоски беше пофален од Мицкоски за експресниот пат за Прилеп
АВИОНСКИОТ ПРЕВОЗ „ЦВЕТА“ – граѓаните се помалку и помалку се возат со возови
