На Шилегов му фалат уште стотина гласа за убедлива победа во прв круг

Добивај вести на Viber

Според најновите официјални и нецелосно пресметани резултати големо водство има Петре Шилегов од СДСМ на кого математички му недостасуваат само уште 0,26% проценти од гласачкото тело во град Скопје или уште стотина гласови за да ја надмине границата од 50% со што ќе биде веднаш прогласен за победник.

Засега Шилегов има стабилно и високо водство со 49,85% од гласовите или вкупно освоени 113.183 гласови. Досега пресметани се 573 гласачки места или 83,65% од сите гласачки места во Скопје, а преостануваат гласовите од уште 112 гласачки места што значи дека возможно е доколку продолжи трендот на слевање на гласови на контото на Шилегов работата да биде завршена и да нема потреба од втор круг.

Доколку не биде исполнет цензусот, тогаш во вториот круг апсолутно оди Коце Трајановски од ВМРО-ДПМНЕ кој има 36% од гласачкото тело или освоено досега 81.739 гласови.

За евентуален пресврт Трајановски и ВМРО-ДПМНЕ ќе треба да се надеваат дека би ги добиле гласовите на БЕСА кои од досега пресметаните изнесуваат 10.277 за Нафие Селмани, но и тоа не би било доволно за победа доколку не ја намалат разликата во однос на Шилегов. 

Останатите кандидати за град Скопје имаат под 3% од гласачкото тело. Да потсетиме дека ДУИ нема свој кандидат во град Скопје, туку целосна поддршка за Петре Шилегов од СДСМ преку јавно објавената коалиција на локална ниво.