НА ШТО СЕ ДОЛЖИ ОВА: Најбогатите Американци станаа уште побогати минатата година

Добивај вести на Viber

Најбогатите Американци станаа уште побогати минатата година и сега изнесуваат вкупно 44,6 трилиони долари (44.600 милијарди долари) благодарение на скоковите на берзата, објави во четвртокот Си-Ен-Ен, цитирајќи ги новите податоци на Федералните резерви.

Федералните резерви ги дефинираат најбогатите еден процент од американските граѓани како оние чие лично богатство е повеќе од 11 милиони долари. Комбинираните нето средства од таа класа се зголемија за околу два трилиони долари во последниот квартал од минатата година, според американската мрежа.

Тоа во голема мера се должи на растот на берзата кон крајот на годината, бидејќи вредноста на акциите на корпоративните и заедничките фондови во сопственост на најбогатите граѓани на САД се зголеми од 17,65 трилиони долари на 19,7 трилиони долари.

Американците од средната класа, исто така, наводно, забележале зголемување на своето богатство, но податоците на Федералните резерви покажаа дека најбогатите имаат најголема корист од скокот на берзата.

Според „CNB“, најбогатите десет проценти од Американците поседуваат 87 проценти од индивидуалните акции и заеднички фондови, од кои половина им припаѓаат на оние кои го сочинуваат најбогатиот еден процент, кои поседуваат и 30 проценти од вкупното богатство.

Ова го продолжува берзанскиот бум што започна во 2020 година во екот на пандемијата на Ковид 19, според „CNB“. Оттогаш, нето богатството на најбогатите еден процент порасна за околу 15 трилиони долари или речиси 50 отсто.

Иако беше во опаѓање во 2021 и 2022 година, нееднаквоста во САД почна повторно да расте во 2023 година, според американската мрежа, додавајќи дека јазот меѓу богатите и сиромашните се вратил на нивоата пред пандемијата.

Нееднаквоста, која беше во опаѓање во 2021 и 2022 година, повторно почна да расте во 2023 година, пишуваат медиумите, истакнувајќи дека јазот во богатството се вратил на нивоата на пред пандемијата, пренесува РТ Балкан.