Добивај вести на Viber
Грчките актери прогласија 24-часовен предупредувачки штрајк, пишува весникот "Етнос". Сојузот на актерите ги покани сите свои колеги да се вклучат во протестот, кој е против предлогот за намалување на платите.
Во соопштението на Сојузот се наведува дека невработеноста во секторот достигнува 92 отсто, актерите имаат работа само три месеци во годината, често не земаат плата и немаат социјално осигурување.
Во март грчките поети се приклучија на своевиден начин на протестите против рестриктивните мерки наметнати на Атина од нејзините меѓународни кредитори.Тие одржуваа поетски рецитали на различни културни објекти во Атина и учествуваа во протестна демонстрација до зградата на парламентот.
Поетите држеа транспаренти со лица и цитати на грчки писатели - Нобеловите лауреати Јоргос Сеферис и Одисеас Елитис, како и на познатиот поет Константинос Кавафис.