На сите луѓе им треба хуман третман, не да ги боцкаме како стока во приколка: Фотографијата која зовре реакции

Добивај вести на Viber

Повозрасна жена качена на дрвена приколка на трактор ја вакцинираат две медицински сестри – ова е слободен опис на фотографијата која предизвика многу реакции во јавноста. Ја сподели министерот за здравство Венко Филипче вчера, објавувајќи повеќе фотографии од почнатата теренска вакцинација. Фотографијата која требаше да сигнализира колку добро се одвива процесот сепак предизвика лавина негативни коментари.

Може ли да дадете објаснување зошто жената ја вакцинирате позади во тракторот? Зошто немате тим за асистенција на стари и изнемоштени лица? Дали сметате дека само затоа што некој е стар и живее во порурална средина не треба достоинствено да се третира? Најстрашно е што Вие и Вашиот ‘паметен’ тим во ова не гледате ништо лошо и срамно, напротив сте ја ставиле и прва фотографијата, пишува во коментар на фотографијата.

Се редат и други

Засрамете се...

Ова не е достоинствено...

Инфлуенсерката Ина Многуфина напиша

„Мислев дека не може подоле од возење мотор во ден кога има 35 мртви но сликата со жената што ја вакцинираат во приколка е бушење на дното. Замисли, неподвижни луѓе, ги дигале, ги ставале на трактор, ги возеле до негде кај и да е на овие високи температури да ги вакцинираат во приколка. Башка тоа што медицинскиот персонал не носи маска. Мачеле неподвижни луѓе, не можеле они да одат до кај нив да ги боцнат. Нема возила? Ако не сакате да влезете у службените што ви ги имаме купено, качете се на истиот трактор и одете, ако можат неподвижните можете и вие здрави прави. Сите луѓе треба да добијат хуман третман, не да ги боцкаме ко стока у приколка на летвички...беда!!!! Беда, стои во нејзината објава.

Но има и различни мислења.

И во Лос Анџелес ли немаат брза помош комбиња, а твитер експерти? Ах бре сезнајковци, напиша Ајс ти на твитер и сподели фотографија.

„Вчера ја видов сликата од бабичката која се вакцинираа у приколка и искоментирав:
„Браво за стариве, вака така отишле да се вакцинираат, не се како овие антиваксериве да одбиваат нешто за нивно здравје.И толку. И сеа гледам тука дебати сте правеле. Дали сте нормални, пишува Базичен на твитер