На Toмор Морина од ОВК му е одреден притвор
Објавено во: Македонија 25 Јули, 2019
Toмор Морина доби притвор.
Кривичниот суд во Скопје му одредил притвор на поранешниот член на Ослободителната војска на Косово, Томор Морина, кој беше уапсен на граничниот премин Блаце врз основа на потерница од српскиот суд.
Притворот е одреден поради екстрадиција по распишана потерница од Интерпол Србија.
„Потерницата е стигната од Интерпол, не е ниту од Вучиќ или Милошевиќ. Од Интерпол каде сме членка и каде сме гласале и Косово да биде членка, без разлика што Србија е против. Постапките ги води надлежен обвинител и за нив одлучува надлежен судија, ниту ги води Заев, ниту Спасовски, ниту Агим Нухиу, ниту кој било од Владата“, изјави премиерот Зоран Заев откако дел од пратениците од албанска националност негодуваа.
Србија најавува дека ќе ги испрати потребните документи за барањето.