На Успение на Пресвета Богородица до манастирот Трескавец ќе се оди по асфалтиран пат
Објавено во: Македонија 03 Август, 2013
Миле Јанакиески, Министерот за траснопорт и врски денеска беше на терен, да се запознае како течат активностите за асфалтирањето на патот до манастирот Трескавец. При тоа од надлежните од ГП"Гранит" беше информиран дека асфалт има поставено на еден од вкупно седумте километри.
Напоредно со изградбата на патот, во манастирскиот комплекс за прв пат се поставува и водовод, а завршен е и прокетот за реставрација и конзервација на манстирската црква и иконите. Патот се гради со пари од Минстерството за транспорт и врски во вредност од 2 милиони евра, а додека обновата на конаците ќе биде со донации од стопански субјекти, институции и граѓани.
„Задоволен сум од динамикита за извршување на градежните работи. Радосен сум, што наместо за 18 месеци, патот ќе биде готов за една година. На 28 август на празникот на Успение на Пресвета Богородица, точно по една година од поставувањето на камен темелникот ќе го пуштиме во употреба. Она што го ветивме го исполнивме. Ги повикувам граѓаните да ни се придружат на големиот празник, да дојдат во манастирот. Патот ќе овозможи развој на турзимот, како и поголема можност граѓаните да го посетат манастирот Трескавец ,“рече министерот Јанакиески.
Од општината велат дека долгогодишниот сон на сите прилепчани, на верниците да се изгради патото конечно е реланост.
Манастирот ќе биде достапен за секој добронамерник, а ние како општина и совет, во рамките на нашите надлежности ќе помагаме за заживување на манастирот и враќање на неговиот сјај - изјави Никола Димески - претседател на советот на општина Прилеп, повикувајќи ги граѓаните да се вклучат во акцијата за донирање за обнова на опожарените конаци на манастирот.
Инаку, проектот за обнова на конаците веќе е завршен и е испратен на одобрување во Националниот конзерваторски центар, по што наскоро треба да биде објавен и тендерот.