НА ЗАЕВ МУ ВЕТИВ ДЕКА СДСМ ЌЕ ОСТАНЕ СТОЛБ НА ДРЖАВНОСТА - Ковачевски од вчера е нов лидер, ќе избере мудро и одговорно раководство
Објавено во: Македонија 16 Декември, 2021
Димитар Ковачевски од вчера е нов лидер на Социјалдемократскиот сојуз. Тој се обврзува дека партијата ќе ја води чесно и одговорно, и ветува дека ќе избере мудро и одговорно раководство.
„Од денес официјално ја преземав функцијата претседател на СДСМ. Ова е огромна чест и одговорност и се обврзувам да ја водам партијата чесно и одговорно. На досегашниот претседател Зоран Заев му се заблагодарив за храбрите одлуки кои ги донесе за државата и успешното раководење со СДСМ, посакувајќи му многу здравје и среќа во личниот и професионалниот живот. Му ветив дека ќе ја негувам социјалдемократијата, силно ќе го штитам единството, слободата и демократијата, а СДСМ ќе остане столб на државноста. Нашата партија го има најдобриот кадровски потенцијал. Ветувам дека ќе изберам мудро и одговорно раководство кое ќе не однесе во нови победи и ќе работи посветено во интерес на сите граѓани. Веќе од утре започнувам со првите партиски активности и реорганизација“, напиша Димитар Ковачевски на својот фејсбук профил.