Над 190.000 нови работни места во САД во јануари
Објавено во: Свет 30 Јануари, 2013
Американскиот приватен сектор во јануари отворил 192.000 нови работни места, што е значително повеќе во однос на 185.000 во декември, соопшти денеска американската приватна компанија за вработување АДП.
Најмногу работни места се отворени во услужните сектори и во трговската и транспортна индустрија, додека во преработувачкиот сектор се укинати 3.000 работни позиции, се наведува во извештајот.
- Пазарот на труд полека, но сиргуно се враќа на патот на заздравување, изјави главниот економист на компанијата „Мудис аналитикс“, Марк Занди.
Градежниот сектор почна да зема замав, благодарение на што ја неутрализира слабоста на преработувачкиот сектор, истакна Занди.