Над 2000 мигранти пристигнаа пеш во Австрија

Добивај вести на Viber

Повеќе од 2 000 мигранти ја поминаа пеш границата на Австрија, доаѓајќи од соседна Унгарија за последните неколку часа, соопшти австриската полиција.

Властите очекуваат до крајот на денот да пристигнуваат бегалци кои ќе станат двојно повеќе.

Началникот на полицијата на австриската покраина Бургенланд соопшти дека мигрантите пристигнуваат пеш, бидејќи унгарските власти не дозволуваат на своја територија испратените автобуси да ги транспортираат луѓето.

По границата работат претставниците на правобранителски и добротворни организации коиим обезбедуваат на мигрантите свежа храна, вода и прва медицинска помош. Обезбедени се и локации за привремено сместување, соопшти BBC.

Сојузниот канцелар на Австрија, Вернер Фајман објави на социјалната мрежа Facebook статус со кој увери дека на бегалците ќе им биде дозволено непречено да ја преминат австриската граница и да го продолжат патот на запад.

Властите на Унгарија престанаа да го пропуштаат бегалскиот бран од илјадници бегалци, кои сакаат да дојдат до Австрија и Германија, и покрај изразената подготвеност тие да бидат прифатени. Унгарија настојуваше за почитување на правилата на Европската унија и ги симна бегалците од вагони на возовите .

Поради тензиите сепак се појавија судири меѓу нервозни мигранти и унгарската полиција. Бегалците, повеќето од Сирија и Авганистан, одбиваа да се регистрираат во Унгарија, бидејќи важат условите на договорот од Даблин 2103 година, и стравуваат од враќање во земјата од каде доаѓаат.