Над 300 компании ќе се претстават на Меѓународниот саем за градежништво

Добивај вести на Viber

Од утре па до 9 март на Скопскиот саем ќе се одрзи Меѓународниот саем на градежништво, градежни материјали и градежна механизација. како сто информираат од Скопски саем, во фокусот ќе бидат производите за широка потрошувачка, а ќе се претстават 300 компании со разновидна програма од градежништвото како: градежни материјали, изолација, кровови, малтери, лепаци, бои и лакови, подови, лифтови, системи за обезбедување, плочки и санитарии, врати и прозори во три изложбени хали. Компаниите со програмата - градежна механизација ќе се претстават во надворешниот изложувачки простор. „Саемот за градежништво и оваа година ќе понуди богата програма од градежната индустрија, а капацитетот е зголемен за околу 10% во однос на минатата година. Ќе се промовираат, нудат и продаваат производи и услуги за работа, одржување, модернизирање, реновирање и опремување објекти и имоти, а сето ова ќе привлече експерти од областа на градежната индустрија кои ќе дискутираат и склучуваат зделки во кои ќе ги вклучат и новите трендови во повеќе категории”, изјави оперативниот директор на Саемот за градежништво – Валентина Димитрова. За времетраење на саемот ќе се одвиваат и бројни настани во Конгресниот центар на Скопски саем и на самите штандови на изложувачите. Посебен акцент ќе се стави на презентацијата на тема “Искористување на волната и текстилниот отпад во изработката на изолациони материјали за градежната индустрија”, која ќе се одржи на 6 март (среда) во Дипломатик сала, а е во организација на Агенцијата за енергетика на РМ и ЦеПроСАРД и Скопски саем. Проектот “Урбан Еко Експо 2013“ ќе има своја промоција во Метрополис Арена, каде секојдневно ќе се одвиваат презентации и промоции на тема “Зелена урбана палета“. Учеството на повеќе од 300 претставени компании како и на инвеститорите во рамките на РеалЕкспо, ќе им овозможи на очекуваните 15.000 посетители, исклучителна можност за поефикасно планирање на своите градежни активности. Ќе има повеќе претставници од Србија, а традиционално ќе учествуваат и компании од Турција,Словенија и Германија.