14 Април, 2024
0.0252

НАД 60 МИЛИЈАРДИ ЕВРА ПРИЛИВИ САМО ОД ЖИТАРИЦИ - ЕУ со голема заработка и од млекото, нашето производство и понатаму се намалува

Објавено во: Економија 01 Декември, 2023

Добивај вести на Viber

Житариците и млекото се клучни земјоделски производи во Европската унија. Вредноста на вкупното производство на житни култури во ЕУ достигна 64,4 милијарди евра во 2021 година, а на млекото беше 58 милијарди евра. Двата производи заедно создаваат скоро 30 проценти од вредноста на вкупното земјоделско производство.

Ова го објави европскиот статистичи центар „Евростат“, кои ги открија регионите кои произведуваат најголем дел од житните култури, но и кои се најголемите производители на млеко и млечни продукти.

Кастиља и Леон произведуваа најголема вредност на житарици

Во Европската унија има 10 региони кои произведоа житни култури во вредност од повеќе од 1 милијарда евра во 2021 година.

-  Регионот на ЕУ кој произведуваше житни култури со најголема вредност во 2021 година беше Кастила и Леон во Шпанија, каде се произведени житарици чија вредност достигна дури 2,3 милијарди евра. Веднаш зад нив следи регионот Centre-Val de Loire во Франција чија вредност достигна 2,2 милијарди евра. Помеѓу другите 8 региони кои произведоа житни култури во вредност од над 1 милијарда евра во 2021 година, уште 4 беа во Франција (Шампањ-Арден, Пеј-де-ла-Лоара, Пикарди и Поату-Шарент), 2 во Романија (Суд-Ест и Суд – Мунтенија), еден регион во Литванија (Vidurio ir vakaru Lietuvos regionas) и друг регион во Шпанија (Арагон) – пишува во анализата на „Евростат“.

Дека интересот за производство на житни култури во Европската унија е големо, се потврдува и со фактот дека голем дел од земјоделството во унијата било ориентирано кон производство на житни култури, дури и ако тие не беа најголемите региони за производство на жита, појаснува „Евростат“.

Исто така се укажува дека четири региони во унијата вредноста на производството на жита била најмалку 40 проценти од вредноста на нивното вкупно земјоделско производство, додека во 17 региони на ЕУ учеството на вредноста на житарките во вкупното земјоделско производство се движеше помеѓу 30 и 40 проценти.

Јужна Ирска произведувала најголема вредност на млеко

„Евростат“ посочува дека земјоделството во другите региони на ЕУ беше повеќе ориентирано кон производство на млеко. Регионот што произведувал најголема вредност на млеко во 2021 година бил јужниот дел на Ирска. Имено, таму било произведено млеко во вреднсот од дури 2,4 милијарди евра. Потоа следува Бретања во Франција со 2 милијарди евра вредност, па Ломбардија во Италија каде вредноста на произведеното млеко достигнала 1,8 милијарди евра.

-  Дополнителни 5 региони создадоа млеко во вредност од најмалку 1 милијарда евра: Пејс-де-ла-Лоара и Долна Нормандија во Франција, Везер-Емс и Шлезвиг-Холштајн во Германија и Галиција во Шпанија – потенцира „Евростат“.

Она што исто така го потенцираат е дека има региони каде што млекарството и производството на млеко беа клучниот тип на земјоделство, дури и ако тие не беа најголеми производители. Имаше 8 региони каде што уделот на вредноста на производството на млеко беше најмалку 40 отсто од вредноста на вкупното земјоделско производство во 2021 година: Фризија во Холандија (47,3%), Региао Аутонома дос Асорес во Португалија (46,0%), Франче- Comté во Франција (45,6%), јужниот регион во Ирска (43,5%), Салцбург и Форарлберг во Австрија (по 43,5%), Pohjoisja Ita-Suomi во Финска (42,7%) и Кантабрија во Шпанија (41,3%).

Во Македонија континуирано се намалува домашното производство

Нашиот статистички центар не располага со волку детални податоци за вредноста на производството на житени култури и млеко во земјава.

Според последните податоци на Државниот завод за статистика, во 2022 година производството на млеко достигнало 324.290 илјади литри млеко, што е за 0,7 отсто помалку отколку во 2021 година.

Кај житните култури, податоци велат дека интересот се намалил во 2022 година, кога биле засеани 158.798 хектари земја со нив, додека во 2021 година биле засеани 161.441 хектари.

П.О.

Можеби ќе ве интересира

Десет најплатени професии во САД: Девет се поврзани со медицината

Десет најплатени професии во САД: Девет се поврзани со медицината

Хотел Молика за прв пат со позитивен резултат, проект за изградба на спа центар

Хотел Молика за прв пат со позитивен резултат, проект за изградба на спа центар

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ОГРОМЕН РАСТ: Речиси 94 милиони возила се произведени во 39 земји во светот минатата година, најмногу во Кина

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

ПОСКАПУВААТ ГОРИВОТО, ЦИГАРИТЕ, КАФЕТО И АЛКОХОЛОТ - Владата на Србија ги зголеми акцизите

Пад на продажбата на електрични автомобили: Зошто Европејците се враќаат на моторот со внатрешно согорување?

Пад на продажбата на електрични автомобили: Зошто Европејците се враќаат на моторот со внатрешно согорување?

Извршен директор на Nike: Тешко е да се биде иновативен кога луѓето работат од дома

Извршен директор на Nike: Тешко е да се биде иновативен кога луѓето работат од дома

„Длабоко сум благодарена за довербата и поддршката“ - Георгиева останува да раководи со ММФ

„Длабоко сум благодарена за довербата и поддршката“ - Георгиева останува да раководи со ММФ

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари

ЗНАЧИТЕЛЕН РАСТ НА ИЗВОЗОТ НА БРОДОВИ ОД ШАНГАЈ - за само два месеци вредноста надминува 1 милијарда американски долари