Над шест милиони евра за сеча на дрва: Фирма со нула вработени меѓу оние кои го делат колачот од Национални шуми!

Добивај вести на Viber

Седумдесет и три фирми ќе поделат 6.295.720 евра за сечење дрва, превоз на дрвени сортименти и правење шумски патишта. Јавното претпријатие Национални шуми потпиша вкупно 96 договори за јавна набавка со овие фирмри, бидејќи како и во минатото, немаат доволно сечачи на дрва и камиони за транспорт.

Еве кои се фирмите и колкави суми ќе се одлеат кај нив – Меѓу оние кои добиле дел од колачот е и „Биби Транс“, фирмата која не функционира ниту една година, а од Национални шуми доби 165.660 евра на три дела од тендерската постапка. Сето тоа ќе го сработува, иако нема ниту еден вработен. Тука е и „Алберо Транс“ од Прилеп. Основана е лани и има еден вработен. Но, од Национални шуми ќе земе 118.558 евра за сеча, транспорт и шумски патишта.

„Тим Транс“, со петмина вработени, добива два дела од тендерот, со вкупна сума од 288.528 евра. „Певи Транс“ од Струмичко, со двајца вработени доби тендер од 13.800 евра. 229.050 евра ќе добие скопската „Добрина Транспорт“, која има четворица вработени. „Цуљи Транс“ со тројца вработени пак, зема два дела од тендерот, со сума од 69.400 евра. Фирмата „Огревно Дрво Дебреште“ добива 68 илјади евра. Во неа има двајца вработени.

Битолската „Цеда 2020 Транс“, во која има тројца вработени пак, од овој тендер ќе заработи 336.848 евра. Исто толку вработени има и „Наум Транс 2021“, фирма која ќе инкасира 310.263 евра.

Останатите фирми кои добија дел од колачот се: „Пилана Три Реки“, „Иванови-Лепкови“, „Вој-Ви-Ма“, „Фагус“, „Ивели“, „Дрво Превоз“, „Форест Груп“, „Рики Пром“, „Ацери 2006“, „Макс Транс“, „Арничко Транс“, „Монишпед Превоз“, „Огрев-М Груп“, „Картал Транс“, „Цуфи ШЈМ Компани“, „Емол Транс“, „Кида“, „Леа-Пром“, „Балтак Комерц“, „Омер Транспорт“, „Пешо Зафир“, „Јутел Транс“, „Илинден 2007“, „Медина-Вел“, „Пели Ком“, „Трасер“, „Боула Превоз Драги“, „Неат Транс“, „Слав & Мат Транс“, „Диба Трејд 2019“, „Алвако“, „Жути Комерц“, „Мер Бил“, „Маркови Три“, „Макстрој“, „Жика Транспорт“, „Виктори 2012“, „Спринг“, „Бисквит“, „Бенџо Димитар“, „Вегром Тодор“, „Божо ВПК“, Транс Челевец“, „Мера-ЕС“, „Васка Транспорт“, „Јанко-Игор Транс“, Адис Груп Транс“, „Алихан Компани“, „Фадил Транс Компани“, „Коста Комерц“, „Рива-Транс Ристо“, „Зо-Ел 2020“, „Марми-Шпед“, „Леска Алексов Миле и др.“, „Плугин Логистик“, „Козјак Шпед Браќа“, „Џоко Транспорт“, „Мадера Транс“, „Лавадо 02 А.Г.“, „Беџе 2007“, „Шкодран Транс“, „Вил Транс Шпед“, „Алпиневуд“, „Медина-Вел“, „Истоли“, „Трајчевски Груп“, „Мебел Трејд“, „Мили Ком Транс“, „Јанески Транс“, „Смит Спасо“, „Сте-Фил“, „Даел Транс“, „Кизла“ и „Нагип 2012 Комерц“.

Ова не е прв ваков тендер. Истото се случувало и во минатото, но ова е рекордна сума. Лани, тендер бил распишан на два наврати – еднаш, тендерот од 4.120.247 евра бил поделен на 96 дела, а потоа, од 73.034 евра на 27 дела, или вкупно во 2024 година за оваа намена биле потрошени 4.193.281 евро.

Александар Тодески