Нафтена војна меѓу ОКТА и Владата!

Добивај вести на Viber

Извори упатени во случувањата во нафтениот сектор тврдат дека нафтената војна меѓу ОКТА и Владата влече подлабоки корени и дека е дел од случувањата на вкупната економска сцена во државата. Изворите на  ФАКТОР велат, дека тиквата меѓу грчките газди на ОКТА и владините претставници пукнала поради неколку месечечниот пост во работењето на рафинеријата, време во кое не се прозиведуваа нафтени деирвати, туку само се увезуваа. Ваквата ситуација, велат нашите извори ја влоши статистичката база на податоци и Македонија прикажа негативни резултати и во индустриското производство и во однос на БДП, а се влоши и трговскиот дефицит на земјата. Информациите покажуваат дека најголем пад во индустриското прозиводство создава токму неработењето на ОКТА. Производството на нафтени деривати во изминатите 8 месеци од годината е за дури 70 проценти помало во споредба со истиот период лани. Ова, еквивалентно се одразува и на Бруто домашниот производ, кој прикажа пад веќе два квартали по ред, со што Македонија и официјално влезе во рецесија. Ваквите случувања, кои во голем дел се предизвикани и од неработењето на ОКТА ја кренале на највисоко ниво нервозата во владиниот тим што придонесе и за официјално објавување на војна на рафинеријата, со одземање на лиценците за увоз и извоз на нафта, кои се проследени и со кривични пријави.