Нафтоводот Скопје - Солун води борба со државната бирократија пред да биде пуштен во употреба
Објавено во: Економија 28 Јуни, 2024
Министерството за економија изминатите месец и пол дена донесе два потребни акти за пуштање во употреба на нафтоводот од Скопје до Солун, истовремено како два чекори напред во премостувањето на бирократските „лавиринти“ за неговото повторно функционирање.
Во текот на мај е донесен потребниот „Правилник за користење и одржување на нафтовод и продуктовод“, а изминатата недела е усвоена и Методологијата со која се утврдува „начинот на определување на износот на надоместокот за извршениот транспорт преку нафтовод“.
Нафтоводот има добиено зелено светло за работа од страна на Регулаторната комисија за енергетика, но се уште се чекаат останатите потребни документи. Последната информација е дека се потребни дозволи од институциите поврзани со транспортот и животната средина, па дури и од МВР.
Повеќе од половина година се чека да биде ставен во функција продуктоводот Солун – Скопје кој претходно беше затворен повеќе од една деценија. Целата процедура меѓутоа заглави привремено во административно-технички подготовки.
Последниот одговор од Министерството за економија за медиумите е дека гтреба да се обезбедат „Технички услови за транспорт на нафтени деривати преку продуктоводот; Технички услови за одржување и безбедно функционирање на продуктоводот; Мерки и процедури во случај на несреќи; Начин, услови и постапка за пристап на трета страна до продуктоводот; Функционални барања и класа за точност на мерните уреди и начинот на мерење на транспортираните количини на нафтени деривати преку продуктоводот и други технички услови кои се неопходни за безбеден и сигурен транспорт на нафтени деривати преку продуктоводот“.Вардакс, компанија која е сопственик на нафтоводот и подружница на грчки Хеленик Петролеум, веќе достави до Министерството за економија предлог Правила за работа на продуктоводот за одобрување. Новата влада во наредниот период ќе треба да го одобри ценовниот тарифник за вршење транспорт преку овој нафтовод. Од вкупните приходи, 20 отсто ќе ги добива македонската страна, бидејќи со толкав удел учествува во акционерското друштво.
Информациите дека нафтоводот или по ново продуктоводот Солун – Скопје повторно, по 13 години ќе биде вратен во функција, излегоа во јавноста кон крајот на ланската година. Тоа треба да доведе до некое намалување на цената на сировата нафтата како гориво, да биде поквалитетна и да се зголеми контролата при царинењето. Од друга страна ќе се намалат и штетите од транспортот со цистерни. А.К.
Можеби ќе ве интересира
ЗА РАЗВОЈ НА ОПШТИНИТЕ: Мицкоски објави нов финансиски план за 250 милиони евра
ЗА РАЗВОЈ НА ОПШТИНИТЕ: Мицкоски објави нов финансиски план за 250 милиони евра
ГЕРМАНИЈА: За колку се зголемил бројот на невработени?
ГЕРМАНИЈА: За колку се зголемил бројот на невработени?
OД СЕПТЕМВРИ: Просечната пензија ќе ја надмине минималната плата
OД СЕПТЕМВРИ: Просечната пензија ќе ја надмине минималната плата
Се бараат сезонски работници од Грција до Германија: Плата до 3.000 евра, а најбарани се луѓе од овие сектори
Се бараат сезонски работници од Грција до Германија: Плата до 3.000 евра, а најбарани се луѓе од овие сектори
Ангеловска-Бежоска за НИН: Монетарната политика овозможи одржување на макроекономската стабилност во неизвесни кризни времиња
Ангеловска-Бежоска за НИН: Монетарната политика овозможи одржување на макроекономската стабилност во неизвесни кризни времиња
Избран нов директор на Царина: Еве каков имот пријавил Бобан Николовски
Избран нов директор на Царина: Еве каков имот пријавил Бобан Николовски
И ПО САЊА ЛУКАРЕВСКА, ЖЕНА ЌЕ РАКОВОДИ СО УЈП: Еве која дама седнува на директорската фотелја во таа инситуција
И ПО САЊА ЛУКАРЕВСКА, ЖЕНА ЌЕ РАКОВОДИ СО УЈП: Еве која дама седнува на директорската фотелја во таа инситуција
Поскапе само едено гориво: Од полноќ стапија на сила новите цени
Поскапе само едено гориво: Од полноќ стапија на сила новите цени
Пет од нив поделија 1,94 милиони евра во плати и награди: Дали се ова најдобро платените банкари во Македонија?
Пет од нив поделија 1,94 милиони евра во плати и награди: Дали се ова најдобро платените банкари во Македонија?
