НАЈДЕНА Е УШТЕ ЕДНА ЖРТВА ВО БОСНА: Надлежните трагаат по три лица исчезнати во поплавите
Објавено во: Балкан 10 Октомври, 2024 16:45
Најдена е уште една жртва од поплавите во Доња Јабланица, а по три лица се трага.
Станува збор за маж, но тој засега не е идентификуван. Дваесет и двајца луѓе загинаа во поплавите кои неодамна ја зафатија Босна и Херцеговина(БиХ).
Поради опасност од нови врнежи и лизгање на земјиштето, повеќе од 400 жители во текот на ноќта се евакуирани од Јабланица и Коњиќ, а по мирната ноќ утрово се вратиле во своите домови.
Обвинителството на Херцеговско-неретванскиот кантон отвори предмет за каменоломот во Доња Јабланица по сомневањата дека отпадот од оваа локација, поради обилните врнежи, ја затрупа населбата долу и предизвика голема трагедија.
Новинарите на Кликс ја снимија локацијата од воздух.
На снимката што ја направиле се гледа дека каменоломот е доста блиску до населбата и дека нечистотијата и отпадот паднале по ридот врз населбата, каде што биле затрупани неколку куќи и џамии.
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
