НАЈДЕНИ ИМ СЕ ПАРИ, ОРУЖЈЕ, УНИФОРМИ: Во Црна Гора се уапсени 12-мина платеници што војувале за Русија во Луганск
Објавено во: Балкан 29 Ноември, 2025 07:09
Во Црна Гора се уапсени 12-мина платеници што војувале за Русија во Луганск. На 13 локации во три града, пронајдени се оружје, униформи, картички на Црногорското козачко братство…
Уапсен е Данко Савиќ, државјанин на Босна и Херцеговина(БиХ) со постојан престој во Црна Гора, кој имал на сметката 1,5 милиони евра, кои, како што верува црногорската полиција, ги стекнал во текот на престојот во руските формации.
Савиќ е уапсен во продолжението на координираната акција со кодно име „Луганск“, заедно со уште 11 лица. При претресот на станбени и на други простории на 13 локации – 12 станбени и помошни згради и една адвокатска канцеларија, во Даниловград, Никшиќ и во Подгорица запленети се 12,2 килограми експлозиви, 24 парчиња огнено оружје, повеќе од 1.000 парчиња муниција, неколку рамки, девет ножа, сабји и бајонети, како и униформи, знамиња и други обележја на формациски организации и групи, панцири, шлемови. Биле запленети и СИМ-картички, комуникациски уреди, оптика за ноќно гледање, опрема за чистење оружје, радиостаници, сигнален пиштол, делови од огнено оружје, гас-маска, амблеми со грбови и натписи, метален боксирач, како и идентификациски картички на Црногорското козачко братство, честопати со различни имиња, но и документација што укажува на поседување вреден имот.
Материјалните докази, според полицијата, укажуваат дека Савиќ учествувал во странски воени структури на Руската Федерација во Луганск, во периодот од почетокот на 2023 до почетокот на 2025 година. Савиќ, кој е поранешен припадник на Југословенската армија претходно јавно се прогласи за атаман, односно козачки командант, поврзувајќи се со Балканската козачка армија, организација за која се тврди дека е поврзана со Централната козачка армија на Русија, блиска до претседателот Владимир Путин. Некои медиуми, повикувајќи се на податоците на Дигиталниот форензички центар, потсетуваат дека Балканската козачка армија стои зад здружението „Сојуз на доброволци од Донбас“.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Вучиќ ќе се враќа на премиерското столче? „Немам намера да менувам Устав, но...“
Нафтената компанија од Абу Даби со понудата за купување на рускиот удел во НИС
ПОВТОРНО БЛОКАДА ВО ГРЦИЈА: Еве кој период ќе бидат затворени граничните премини
Албанија ќе отвори уште 20 прифатни центри за мигранти
АВИОН ИЗЛЕТА ОД ПИСТАТА ВО ИСТАНБУЛ - патниците се безбедни, но пистата останува затворена (ВИДЕО)
ХАОС НА КРИТ И НИЗ ЦЕЛА ГРЦИЈА: Земјоделците блокираат аеродроми, патишта и пристаништа, еден полицаец е повреден
„ДУРИ 51 МЕСТО ВО СРБИЈА НЕМААТ АЛТЕРНАТИВА“: Хандановиќ за бензинските пумпи на НИС
(ВИДЕО) Лудиот план на Кина на Балканот: Пробивање канал низ Србија и Македонија
Планирате да одите во Грција, но се мислите поради блокадите: Еве како да стигнете до таму без пречки!
