Најмалку две жртви од земјотресот во Јапонија: Многумина заробени под урнатините

Добивај вести на Viber

Силен земјотрес со јачина од седум степени според јапонската шинтоистичка скала и 7,5 степени според Рихтеровата скала предизвикал големи штети на западниот брег на Јапонија, се верува дека две лица загинале, а повеќе останале заробени под урнатините, пренесува The Japan Times.

Полицијата соопшти дека се стравува дека две лица се мртви во Нанао, на полуостровот Ното, откако и двајцата биле пронајдени без знаци на живот, но властите во Јапонија обично не објавуваат смрт додека не биде официјално потврдено од судски вештак.

Најмалку шест лица се заробени во урнати згради во Ваџима, префектурата Ишикава.

По земјотресот избувна и пожар од големи размери во градот, додека неколку други општини пријавија уривање на куќи.

Пријавени се неколку повреди, вклучително и две жени кои биле пренесени во болница откако паднале или биле погодени од предмети што паѓале во Авара, префектурата Фукуи, соопштија локалните власти.

Серија силни земјотреси ја погодија Јапонија: Најсилна магнитуда од 7,4 степени - со предупредување за цунами - видео од штетите. 

Во Ишикава околу 32.500 домови останаа без струја.

На повеќе од 51.000 луѓе во пет префектури им е наложено да се евакуираат, соопшти Агенцијата за управување со пожари и катастрофи.

Поради силината на земјотресите, се стравува за иднината на нуклеарните централи.

Околу 1.000 жители и други се евакуирани во базата на воздухопловните сили за самоодбрана во Ваџима, каде им е укажана помош со ќебиња, вода и храна, соопшти Министерството за одбрана.

Епицентарот на земјотресот бил во регионот Ното, кој е подложен на големи земјотреси, а длабочината била многу мала, соопшти метеоролошката агенција.

Јапонските железници привремено ги суспендираа сите линии на Тохоку, Јоецу и Хокурику Шинкансен, пишува Japan Times.