Најмногу промет и вработувања остваруваат трговците

Добивај вести на Viber

Во секторот, Трговија на големо и на мало односно 45,6 отсто,спаѓаат најголем број претпријатија со 26,9 отсто од вкупните вработени и реализирани 41,1 отсто од вкупниот промет, покажуваат дефинитивните податоци на Државниот завод за статистика. Во 2011 година, во рамките на структурните деловни статистики се анализирани 53.645 деловни субјекти во кои биле вработени 328.377 лица, остварен е вкупен промет од 924.227 милиони денари и е создадена додадена вредност од 209.592 милиони денари. Како втор по значење, секторот Преработувачка индустрија учествува со 13,2 отсто од претпријатијата, 31,2 отсто од вработените и 27,9 отсто од вкупниот промет. Во вкупната додадена вредност, пресметана според трошоците за факторите на производството, во 2011 година, најголемо учество имале претпријатијата од секторот Преработувачка индустрија со 26,3 отсто и од секторот Трговија на големо и на мало со 22,8 отсто. Во однос на големината, во 2011 преовладуваат микро претпријатијата со помалку од 10 вработени односно 91,3 отсто. Во нив биле ангажирани 33,8 отсто од вкупно вработените кои, пак, создале 25,6 отсто од вкупната додадена вредност. Од друга страна, големите претпријатија т.е. 0,2 отсто ангажирале 22,7 отсто од вкупно вработените притоа остварувајќи 29 отсто од вкупната додадена вредност во рамките на деловниот сектор.