Нема договор со Владата, продолжува штрајкот на докторите и сестрите во Хрватска

Добивај вести на Viber

Продолжува штрајкот на лекарите и медицинските сестри во Хрватска откако и денеска, веќе четврти ден од штрајкот, синдикалните лидери Ивица Бабиќ и Аница Прашњак не постигнале договор со министерот за здравство Рајко Остојиќ и не ги приближија ставовите за продолжување на преговорите за нов колективен договор. Теми на денешната средба повторно не била содржината на колективниот договор, туку наводниот притисок врз штрајкувачите, особено врз претседателот на лекарскиот синдикат, Ивица Бабиќ, изјавија за медиумите синдикалните лидери. „Клучот услов за изнаоѓање на стратегија за излез од моменталната ситуација е прашањето кој, и во чиј интерес е нападот врз мене како претседател на синдикатот и штрајкувачкиот комитет", рече Бабиќ. Откако ќе се утврди чија е одговорност за притисоците, како врз првиот синдикалец, така и врз другите штрајкувачи во болниците, ќе се иницира продолжување на социјалниот дијалог и обновување на преговорите, велат синдикалните лидери. До тогаш штрајкот во хрватските болниците продолжува.