НАМЕСТО ХРАНА, КУПУВАЛЕ ДЕТЕРГЕНТИ, ПАСТА ЗА ЗАБИ...ПА БИЛЕ ОТПУШТЕНИ ОД РАБОТА: Гигантот Мета подели откази за злоупотреба на бонусот за оброци

Добивај вести на Viber

Компанијата Мета отпушти дваесетина вработени во Лос Анџелес затоа што го искористиле нивниот бонус за оброци од 25 долари за да купат предмети за домаќинството, вклучувајќи лекови за акни, чаши за вино и детергент за перење.

Отпуштањата се случија минатата недела, само неколку дена откако компанијата започна со реструктуирање на тимовите во WhatsApp, Instagram и Reality Lab, одделот за зголемена и виртуелна реалност.

Овој процес вклучува кратење на работни места и преместување, потврдија неколку луѓе запознаени со одлуките, што е знак дека неодамнешните напори на Цукерберг за зголемување на ефикасноста сè уште се во тек.

Како и многу технолошки компании, Мета им нуди бесплатна храна на вработените како поволност во своето големо седиште во Силиконската долина. Вработените во помалите канцеларии без менза имаат можност да го искористат бонусот за достава на храна. Дозволени им се надоместоци од 20 долари за појадок, 25 долари за ручек и 25 долари за вечера.

Се наведува дека оние кои биле отпуштени го злоупотребувале додатокот за храна во текот на подолг временски период, изјави извор за Фајненшл Тајмс. Некои ги шетделе своите пари, а други ги испраќале оброците дома, иако парите биле наменети само за во канцеларијата.

Оние кои само еднаш го прекршиле правилото на компанијата добиле прекор.

Во една објава на анонимната платформа, еден поранешен вработен во Мета напиша дека го искористиле бонусот од 25 долари за производи како паста за заби и чај од аптека, додавајќи дека има денови кога не јаделе во канцеларија поради семеен ручек или вечера со пријателите. , и дека не сакале да го трошат бонусот.

Лицето кое изјави дека има плата од околу 400.000 долари во Мета и работи ноќе и викенди, исто така изјави дека признале кога HR ја истражувале оваа практика, пред ненадејно да бидат отпуштени.

Мета, додаваат медиумите, одби да ги коментира отпуштањата. Сепак, компанијата најави поширок бран на отпуштања.

„Неколку тимови во Мета прават промени за да обезбедат дека ресурсите се усогласени со нивните долгорочни стратешки цели. Ова вклучува преместување на некои други локации или на различни позиции. Во овие ситуации кога затвораме позиција, работиме напорно за да отвориме други можности за засегнатите вработени“, изјавија тие.

Цукерберг објави дека имало околу 21.000 отпуштања во два круга отпуштања во текот на 2022 и 2023 година, нарекувајќи ја година на ефикасност.