29 Март, 2024
0.0258

Наставници грешно разбрале дека е незаконски да ги гледаат децата на онлајн час, обучувачите и МОН децидни: Наставата е двонасочна, мора со видео

Објавено во: Македонија 30 Септември, 2020

Добивај вести на Viber

Голем дел од наставниците жестоко реагираа по обуките за онлајн предавањата на Националната платформа, тврдејќи дека едукаторите им дале јасно на знаење дека е незаконски да бараат од учениците до 16-годишна возраст да имаат вклучено камера. Велат дека им било укажано дека само децата имаат право да ја гледаат наставничката, но не и таа нив. 

-Како ќе бидеме сигурни дека учениците тоа нема да го злоупотребат ако немаме слика дека присуствуваат на часот. Ученикот може само да пријави дека е тука кога ќе ги прозивам и повторно да легне да спие. Ова се дел од нивните коментари откако повеќемина наставници се обратија до Фактор за да добијат конкретен одговор дали наставата навистина ќе почне да се одвива на овој начин.

Сепак по барање на Фактор од Министерството за образование и наука одговорија дека станува збор за двонасочен процес.

-Онлајн наставата не се снима и не се креира запис. Онлајн часот е како обичен час. Само овластени чинители имаат пристап до онлајн наставата, истите оние кои имаат пристап и кога се одржува настава со физичко присуство – МОН, Бирото за развој на образование, Педагошката служба. Вклучувањето во онлајн наставата е двонасочен процес, ни одговорија од МОН.

Во однос на истото прашање националните обучувачи велат дека наставниците сосема погрешно разбрале и во разговор за Фактор, националниот обучувач, Никола Делевски многу конкретн одговор и целосно објаснување како ќе се одвива наставата на платформата.

-Ставот на националните обучувачи е дека наставата преку платформата е двонасочна за време на часовите и тоа претставува конференциска врска меѓу наставниците и учениците. Камерите мора да бидат вклучени и на едните и на другите. Ако ученикот не вклучи камера ќе се смета дека е отсутен од час. Сепак, поради трошење, односно заштеда на интернет ресурси, учениците не мора за цело времетраење на часот да имаат вклучено камера, но наставникот има право да ги провери во секое време додека трае часот дали се присутни. Најверојатно наставниците грешно разбрале дека не смеат да ги гледаат учениците, бидејќи на обуките се зборуваше дека не е дозволено снимање на часовите. Ова значи дека никако не смееме да ги снимаме децата и тоа е според Кривичниот законик. Дури ни името на ученикот не смее да е видливо на екранот, но ќе повторам уште еднаш, ова се однесува само на снимање. Значи не е дозволено снимање, појасни за Фактор, националниот обучувач Делевски.

Во однос на дилемата пак дали е потребно задолжително да се инсталира Microsoft Teams за непречено користење на платформата, бидејќи родители кои се обидувале да влезат на платформата преку веб страницата www.schools.mk и не успеале, тоа го направиле преку  Microsoft Teams каде што впишале корисничко име и пасворд, (дадени од страна на училиштата), по што успешно биле пренесени на Националната платформа од МОН истакнуваат дека нема потреба.

-Националната платформа за онлајн учење функционира директно во веб-прелистувач (Chrome, Microsoft Edge, Safari) и не е потребно да се инсталира дополнителен софтвер. 

Анита Буховски

Можеби ќе ве интересира

Тројца починати и тројца тешко повредени во сообраќајка во Кичево

Тројца починати и тројца тешко повредени во сообраќајка во Кичево

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ПРАШИНА И ПЕСОК ОД САХАРА - топлотен бран над Балканот и пошироко, температурите и УВ индексот повисоки од просекот

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ОВА СЕ ЦЕЛОСНИТЕ ПРАТЕНИЧКИ ЛИСТИ НА ВМРО-ДПМНЕ - еве кој ќе се натпреварува за собраниско столче во следниот парламентарен состав

ФАКТОР НА ДЕНОТ: Уапсено е уште едно лице за убиството на лекарот во Железара

ФАКТОР НА ДЕНОТ: Уапсено е уште едно лице за убиството на лекарот во Железара

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор

ДАЛИ БИ ГО ПОСЕТИЛА ГРОБОТ НА ЕНВЕР ХОЏА: Билјана Ванковска даде одговор