Натпревар во Алтернатива за директорското место во тетовската клиничка болница
Објавено во: Македонија 13 Декември, 2021
Двајца доктори членови на Алтернатива се во игра да го заменат Флорин Бесими од ДУИ откако тој си даде оставка од функцијата директор на Клиничката болница во Тетово. Оваа позиција беше дел о ддоговорот меѓу лидерите на СДСМ и Алтернатива Зоран Заев и Африм Гаши кога договорија ново парламентарно мнозинство. Станува збор за докторите Неџбедин Каремани и Амир Елези, јави ТВ 21.
Телевизијата го контактирала Каремани кој потврди дека е предложен за да управува со Клиничката болница во Тетово, но дека има силна конкуренција, фаворит на партијата, а тоа бил Елези.
Каремани рекол дека разговорите се во тек и се уште нема ништо дефинитивно, но додал дека заслужува да биде на чело на оваа институција.