Наумов: Министерството за финансии нè задолжи со нови 25.3 милиони евра

Добивај вести на Viber

На денешната аукција на државни хартии од вредност Министерството за финансии нè задолжи со нови 25.3 милиони евра, реагира дополнителниот заменик министер за финансии, Кире Наумов.

Вели дека министерот за финансии, Зоран Ставрески запиша пет пати поголема сума од долгот што доспева за враќање.

„ За враќање доспеваа само 5 милиони евра по основ на 3 годишна обврзница. Ако се има предвид дека се наоѓаме пред крај на месец, кога скоро сите месечни исплати од буџетот се реализирани, а би требало да бидат изразени приливите во буџетот, тогаш единствен заклучок кој се наметнува е дека во овој момент буџетот на РМ е пред финансиски колапс. Заклучно со февруари месец дефицитот изнесуваше 73 милиони евра или 23.5% од планираниот дефицит за цела 2016 година. Ако се продолжи со оваа динамика, дефицитот до крајот на годината ќе изнесува повеќе од 420 милиони евра. Со тоа јавниот долг ќе се приближи до износот од 5 милијарди евра“-вели Наумов.

Тактизирањето на Управниот суд конечно да се изјасни по тужбата поднесена од моја страна за задолжувањата на домашниот пазар, овозможи на товар на идните генерации да се запишат нови 70 милиони евра нето долг од почетокот на годината, појаснува тој.

Овој долг ќе биде преиспитан од аспект на негово третирање како законски јавен долг на Република Македонија.