05 Октомври, 2022
0.0319

НЕ ОСТАНА ЧОВЕК ДА ЧИСТИ ПО СТАНОВИ И ФИРМИ - за убедливо најбараното занимање, хигиеничар на станбен и деловен простор, се слободни дури 666 работни места

Објавено во: Економија 15 Јуни, 2022

Добивај вести на Viber

Ако сте хигиеничар, во моментов најлесно ќе најдете работа во Македонија. Најновите податоци на Агенцијата за вработување говорат дека во моментов има дури 666 слободни работни места за занимањето хигиеничар на станбен и деловен простор.

Или во превод, граѓаните, но и компаниите, колку и да се жалат дека немаат пари, по се изгледа дека преферираат некој друг да им ги исчисти домовите и деловните простории, отколку да се мачат тоа да го прават сами. Особено големите компании со големи работни површини, кои секако дека се принудени да ги користат услугите на хигиеничарите. Токму затоа за хигиеничарите на станбен и деловен простор засега „нема зима“, бидејќи работните места кои се слободни за тоа занимање, во моментов се дури 666 на број.

Инаку, овие статистики се прават врз основа на огласените пријави за потреба на работници од страна на работодавачите, и се ажурираат постојано.

Во моментов се слободни 6.593 работни места, говорат бројките на Агенцијата за вработување.

Анкетата на работната сила на Агенцијата за вработување говори и дека второ најбарано занимање во земјава е општ работник, со 412 слободни работни места.

А, листата на Агенцијата говори и дека занимањето продавач е исто така „добитно“ во овој период, односно дека буквално како да владее јагма за продавачи, па за ова занимање во моментов се слободни 405 работни места. Доказ за тоа се и сликите по маркетите во кои често можете да видите или многу постари продавачки или продавачи, или многу млади, кои веќе нашле вработување во трговијата.

Следуваат и многу други занимања на листата, но за нив веќе има многу помалку работни места. Па така, за занимањето келнер се отворени 250 работни места, додека, пак, за постојано бараната професија - возач на камион, во моментов има 203 слободни работни места.

Се барале и шанкери, возачи на такси и готвачи, со 128, 126 и 116 слободни работни места, соодветно, покажува најновата анкета.

Занимањето програмер, пак, кое и натаму останува да биде најплатено, е на деветтата позиција по бараност, и за него има отворени 103 слободни работни места.

Следуваат контролор за квалитет на производство, фармацевтски техничар и возач на товарно возило со 94 слободни места, потоа администратор со 92, возач на лесно доставни товарни возила со 83, фармацевт со 82, магационер со 79, бравар со 75, градежен работник со 73, и уште неколку занимања за кои има по над 50 слободни работни места.

Кога станува збор за слободни работни места по дејности, пак, на прво место е трговијата на големо и мало, како и поправките, со 1.281 слободно место, а по неа следува преработувачката индустрија, со 1.116 места.

На трето место се административни и помошни услужни деј ности, со слободни 757 места, а во објекти за сместување и сервисни дејности со храна се бараат 665 работници. Во градежништвото има 628 слободни работни места.

Додека, пак, ако се гледа по градови, Скопје е прв, со слободни 3.822 работни места. На второ место е Тетово, со 420, а на трето Куманово со 366 слободни места.

Н.Н.Ф.

Можеби ќе ве интересира

ФАКТОР НА ДЕНОТ: ВМРО-ДПМНЕ ги предаде контактите на Бектеши, сега на потег е Владата

ФАКТОР НА ДЕНОТ: ВМРО-ДПМНЕ ги предаде контактите на Бектеши, сега на потег е Владата

Србија од 1 ноември останува без руска нафта

Србија од 1 ноември останува без руска нафта

Одржан Економски совет во проширен состав: Време е за одговорно однесување со енергенсите

Одржан Економски совет во проширен состав: Време е за одговорно однесување со енергенсите

Генерали Инвестментс: Главната економска политика е борбата против инфлацијата, а рецесијата е неопходно зло

Генерали Инвестментс: Главната економска политика е борбата против инфлацијата, а рецесијата е неопходно зло

ССМ: Платите во државата да го следат порастот на инфлацијата, но и порастот на синдикалната кошница

ССМ: Платите во државата да го следат порастот на инфлацијата, но и порастот на синдикалната кошница

ДИЗЕЛОТ ПОСКАПУВА ДВА ДЕНАРИ, БЕНЗИНИТЕ СО ИСТИ ЦЕНИ, еве ги цените на нафтените деривати

ДИЗЕЛОТ ПОСКАПУВА ДВА ДЕНАРИ, БЕНЗИНИТЕ СО ИСТИ ЦЕНИ, еве ги цените на нафтените деривати

Се укинуваат раните часови за шопинг во Грција заради штедење струја

Се укинуваат раните часови за шопинг во Грција заради штедење струја

ЏЕВДЕТ ХАЈРЕДИНИ ГО ПРОЗВА МИЦКОСКИ: Зошто не изградивте ниту една електрична централа додека бевте директор на ЕСМ

ЏЕВДЕТ ХАЈРЕДИНИ ГО ПРОЗВА МИЦКОСКИ: Зошто не изградивте ниту една електрична централа додека бевте директор на ЕСМ

„Гаспром“ тврди дека повторно ќе пушти гас преку Австрија

„Гаспром“ тврди дека повторно ќе пушти гас преку Австрија