НЕ ОТВОРАЈТЕ ПРОЗОРЦИ: Скопје седми најзагаден град ова утро
Објавено во: Македонија 29 Јануари, 2020
Загаден воздух и утринава ги гуши жителите на метрополата.
Скопје во моментов е седмиот најзагаден град во светот, според листата на специјализираната веб страница „Ер вижуал“.
Кај ректоратот, во Центар и во Гази Баба , мерните станици ги надминуваат границите на дозволени ПМ честички.
Токму поради енормното загадување на воздухот, Владата усвои мерки и препораки, вклучувајќи и бесплатен јавен превоз и скратено работно време од 11 до 17 часот за трудници, повозрасни лица и хронично болни.Запрени се и сите градежни работи на територија на град Скопје, а цените на јавниот паркинг во сопственост на ПОЦ се зголемени двапати се до укинување на вонредните мерки поради високото ниво на загаденост.