НЕ ЗАБОРАВАЈТЕ: Ноќеска почнува летното сметање на времето

Добивај вести на Viber

Македонија ќе премине на летно сметање на времето утре во 2 часот наутро. Тогаш стрелките на часовникот треба да се поместат еден час напред и наместо 02 да означуваат 03 часот. 

Во недела ќе спиеме еден час помалку, но затоа пак ќе уживаме во долгите попладневни сончеви часови, се до повторното преминување на зимското време. Летното сметање во 2018 година ќе заврши на 28 октомври во 3 часот по полноќ, со поместување за еден час наназад, така што 3 часот ќе се смета како 2.

За разлика од зимското време кое е „реално“ и „вистинско“, летното време е административно или указно. Истото ќе заврши во недела на 27 октомври во 3 часот по полноќ, кога повторно ќе се премине на зимското, реално време. Летното или уште се нарекува мандатно, договорно или указно време претставува административно поместување на службеното време, заради економска заштеда, политички, безбедносни, спортско-рекреативни, здравствени или други причини.  Луѓето секогаш барале начин максимално и најдобро да го искористат долгиот летен ден за своите активности. 

Така, во античко време, особено во Римската империја, 12-те часови на денот, во зима траеле пократко, околу 45 минути, во лето подолго, околу 75 минути. Ваквиот систем на нееднакви часови во некои делови на Европа се задржал и во Среден Век.