Во нефинансискиот сектор лани работеле над 340 илјади лица, најмногу во трговија

Добивај вести на Viber

Во текот на 2011 година во нефинансискиот сектор во Република Македонија,  активни биле  53.645 деловни субјекти во кои  биле вработени 342.233 лица, објави Државниот завод за статистика.

Оттаму информираат дека во овие деловни субјекти остварен е вкупен промет од 924.227 милиони денари и додадена вредност од 211.464 милиони денари.

Најголемо е учеството на деловните субјекти од секторот Трговија на големо и на мало 45,6 отсто, каде што биле вработени 25,8 отсто од вкупниот број вработени. Во рамките на овие субјекти е остварен промет од 379.683 милиони денари, односно 41,1 отсто од вкупниот промет.

Во секторот Преработувачка индустрија, кој претставува 13,2 отсто од активните деловните субјекти во 2011 година, биле вработени 33,7 отсто од вкупниот број на вработени лица, а во него се остварени 27,9 отсто од вкупниот промет.

Во вкупната додадена вредност, пресметана според трошоците за факторите на производството, во 2011 година, најголемо учество имале претпријатијата од секторот Преработувачка индустрија 26 отсто, а потоа следат секторите Трговија на големо и на мало со 24,4 отсто, Градежништвото со 8,6 отсто, Информации и комуникации со 8,5 отсто, Транспорт и складирање со 8,4 отсто и секторот Снабдување со електрична енергија, гас, пареа и климатизација со 6,6  отсто. Најмал придонес во додадената вредност имал секторот Дејности во врска со недвижен имот 1,7 проценти