НЕЛИЦЕНЦИРАН ОБЕЗБЕДУВАЧ, МАЛОЛЕТНИЦИ ВО ОБЈЕКТ ПО ПОЛНОЌ - многу прекршоци утврдија инспекторите

Добивај вести на Viber

Проверки низ казината во главниот град, но и во угостителските објекти спроведоа полициските екипи во текот на вчерашниот ден. Контролите направени во ноќните часови покажале многу нерелугарности, од поседувње оружје, присуство на малолентици, но и нелиценциран обезбедувач.

- Во акциска контрола спроведена синоќа во угостителски објекти на 272 локации приведени се лица кои поседувале оружје, а констатирани се и други прекршоци - наведува МВР во извештајот. 

Во контролата биле опфатени и 18 казина во Скопје и Куманово.

Притоа, како што објави Министерството за внатрешни работи во Чаир кај триесет и едногодишниот Б.И. од Косово пронајден е нож, а во Кисела Вода е приведен О.О. (32) од Турција поради непријавен престој во државата.

- На подрачјето на СВР Велес во угостителски објект констатирано е кривично дело по член 215 од Кривичниот законик при што е приведено едно лице поради присуство на малолетници во објектот, а констатиран е и прекршок по Законот за оружје кај лице кое вршело работа од областа на приватното обезбедување, а не поседувало лиценца и договор за работа поради што и ова лице е приведено - се посочува во соопштението на МВР.

При проверките на овој објект, од страна на Управата за јавни приходи констатирано е дека објектот работи спротивно на Законот за регистрирање на готовина, а од страна на Пазарниот инспекторат ќе бидат направени дополнителни проверки за утврдување на статусот на лицата кои работеле во објектот. 

Контролите се спроведени од 00.00 до 04.00 часот, при што полициски службеници од Одделот за униформирана полиција од сите сектори за внатрешни работи, во координација со претставници на Државниот пазарен инспекторат, Државниот инспекторат за труд и Управата за јавни приходи.