Нема извини за клиентите за долгите чекања
Објавено во: Стил 16 Јули, 2012 11:17
Во Русија има најдолги редови , во Македонија никој не им се извинува на клиентите што чекаат на шалтерите или маркетите , ова го покажало истражувањето на „Mystery Shopping" спроведено во 23 земји од светот.
На прашањето „Каде во Европа се најдолгите и најбавните редови?“ одговорот е во Русија. Додека на прашањето „Каде се најдолгите редови во Европа“, одговорот е во поштите.
Тајните купувачи во Македонија во просек чекале во ред по околу 8 минути, што е една минута помалку од просекот во цела Европа. Пред тајните купувачи во Македонија имало во просек по 4 купувачи во редот, што е скоро еднакво на просекот во Европа, 4 – 5 купувачи во ред.
Фрапантен е податокот дека ниту еден од вработените во ситуација кога имало редици не се извинил на клиентите кои чекале, додека тоа во Европа во просек го направиле 56% од вработените.
Во само 13% од ситуациите кога се чекало во ред биле превземени активности за да се намали редот, што е блиску до европскиот резултат од 14%.
Во 68% од случаите во Македонија вработените ги поздравиле тајните купувачи кога доаѓале на ред, а само 39% им се насмевнувале што во споредба со европскиот просек од 60% е значително низок.
Интересен е податокот дека во Македонија 86% од тајните купувачи на прашањето Дали вработениот бил услужлив одговориле позитивно, за разлика од тајните купувачи во цела Европа каде што позитивно одговориле 70%.
На линкот подолу е целосното истражување:
http://www.swot.com.mk/uploads/2012MSPAQUEUESURVEY-resultspresentation.pdf
Можеби ќе ве интересира
Тивки херои го накитија Водно: Внесоа празнична магија во природата
Се отвораат казина на секој чекор, младите кои сакаат кино култура немаат каде да гледаат филмови: Скопје веќе 8 месеци е без градско кино
Сведоштво на Викторија Сребренова за трагедијата во „Пулс“: Заглавена во толпата со скршеници и изгореници, го слушав гласот што ме одржа жива, издржи, не предавај се
