НЕМА КРАЈ: Им плаќаат на банките да земат пари
Објавено во: Економија 23 Јуни, 2016
Европската централна банка покрена нова рунда ултра-ефтини кредити за банките во обид да ја поттикне кредитната активност во зоната на единствената валута.
ЕЦБ соопшти дека банките можат да достават понуди за средства-познати под името „Целни долгорочни операции на рефинансирање“ (или TLTRO), од денес почнувајќи од 11,30 часот по Гринич до четвртокот, пренесе агенцијата АФП.
Резултатите од тендерот-количината на примени понуди, како и вкупните одобрени кредити, ќе бидат објавени в петок.
Аналитичарите на Комерцбанка велат дека побарувачката за нов сет TLTRO ќе биде „важен показател на здравствена состојба на финансискиот сектор на еврозоната“.
Сепак, ЕЦБ одлучила да покрене друг нов круг, кој овој пат се состои од вкупно четири TLTRO, секој со рок на доспевање од четири години, во рамки на кој банките можат да се задолжуваат по уште поконкурентни камати-по базна стапка од нула отсто, а во некои случаи стапката може да се спушти и до минус 0,4 отсто, што всушност значи дека банките уште и ќе заработат на задолжувањата кај ЕЦБ.
Овие услови на рефинансирање се „многу поинтересни“ од првата серија TLTRO, изјавил аналитичарот на БНР Париба банка, Тиблот Мерси.
Аналитичарот на Уникредит, Лука Кацулани, проценува дека банките би можеле да позајмат 400-450 милијарди евра на првиот тендер од новиот сет на TLTRO во пресрет на британскиот референдум за членство во ЕУ во четвртокот, бидејќи банките сакаат да се „наоружат“ за пазарните турбуленции во случај Британија да изгласа излез од Унијата.
Банките се должни да ги пласираат позајмените пари на компаниите и бизнис субјекти, бидејќи продолжението на слаба кредитна активност се смета за еден од клучните фактори за уште послабо економско опоравување на 19 земји кои го делат еврото.
Оваа шема „треба значајно да ги убалжи трошоците на задолжување на приватниот сектор и да пружи додатен поттик на кредитирањето“, изјави шефот на ЕЦБ Марио Драги вчера во Брисел.
Можеби ќе ве интересира
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
ЕДЕН ОД НАЈБОГАТИТЕ СРПСКИ БИЗНИСМЕНИ КУПИ ХОТЕЛ ВО СЛОВЕНИЈА - има фитнес, велнес и конференциски центар, ова се деталите
„Лидл“ за секој вработен во Македонија троши по 3.000 евра месечно
Давор Сакач, директор на Telekom Srbija Ventures Fond: Половината стартапи во кои инвестиравме се засновани на развојот и имплементацијата на ВИ
ФАКТОР АНАЛИЗА: Најуспешни компании во Градот на Гемиџиите - фамилијарен бизнис направи топ-добивка од „амбалажа“ за храна
Светски инвеститори со интерес за македонските стартапи
ФАКТОР АНАЛИЗА: Скопските ИТ компании доминираат со направените добивки кај програмерите
ЕКОНОМСКИ НАПРЕДОК: За две децении 10-те „нови членки“ на EУ го удвоија својот БДП
„Ќе забават инвестициите на германските компании во Македонија“: бизнис климата ја оценуваат како добра, но недостига стручен кадар
