НЕМА ЗАТВОРАЊЕ НА ГРАНИЦИТЕ НА МАКЕДОНИЈА ПОРАДИ ОМИКРОН: Сосема се доволни актуелните мерки, порача министерот Филипче

Добивај вести на Viber

Министерот за здравство Венко Филипче и членовите на Комисијата за заразни болести на денешниот состанок раговарале и за појавата на новата варијанта на корона вирусот, омикрон, кој го крена светот на нозе, но здравствените власти во Македонија засега сметаат дека нема потреба од дополнителни рестриктивни мерки.

-Гледаме дека некои од земјите пртеземаат некакав форма на рестрикција. Нашиот заклучок е дека остануваме со сегашните мерки. Сѐ уште нема доволно познати информации, иако СЗО укажува на тоа дека можеби е полесно пренослив новиот сој. Сепак, директорот на американскиот Институт за здравство д-р Колинс смета дека и за тоа нема доволно информации. Можеби се тука некаде се во однос на степенот на преносливос со делта сојот. Сметам дека некаква рестрикција во однос на затворање на границите, во однос на карантинизирање на патници кои доаѓаат од одредени земји нема да даде ефект поради тоа што е очигледно дека кога ќе се појави нов сој не може да се ограничи само на една територија. Очегледно е дека соеви ќе се појавуваат и понатаму, така што остануваме на постоечките мерки. Ставаме акцент на вакцинацијата, ако некој не е вакциниран, може да патува со ПЦР. Во однос на мерките како критериум за излез, ги штитиме околните земји, а со ваквите мерки се штитиме и за влез во земјата, рече Филипче.

Истовремено рече дека постојано ја следат ситуацијата, нагласувајќи дека се уште е рано, односно дека станува збор за прилично нов сој и дека за омикрон допрва ќе има информации, но, како што рече од она што досега се знаеме, смета дека нема потреба од порестриктивни мерки.

А.Б.