Неотповиклива оставка на словенечкиот министер за здравство Томаж Гантар

Добивај вести на Viber

Оставка од својата функција денеска поднесе словенечкиот министер за здравство Томаж Гантар. Како што пренесе АФП, ова е втората неотповиклива оставка на министер од кабинетот на Словенија последниве денови. Гантар ова го образложи со големите разлики во коалициската влада за здравствените рефроми, но и потешкотиите од намалените средства за здравствениот систем. Исто така потсети и дека оставката ја најавил пред шест месеци,  во случај да не може да ја спроведе здравствената реформа. Министерот е член на Демократската партија на пензионери, од каде велат дека нема да инсистираат новиот министер да биде од нивната апртија. Со интервентен закон за здравството заради штедење во изминатите години на државно ниво се намалени средствата за 300 милиони евра годишно. Според Гантар, во Австрија на примере, споредено со Словенија, за здравството се издвојуваат трипати повеќе пари.