Невработените да аплицираат на огласот за практикантство

Добивај вести на Viber

Петстотини невработени лица од денеска можат да аплицираат за мерката практиканство во приватни компании.

Невработените лица ќе можат да се стекнат со практично искуство  во приватните фирми во период од 3 до 6 месеци.

„Ги повикувам невработените лица да ја искористат мерката и да аплицираат, но да аплицираат и приватните компании кои преку неа ќе можат полесно да најдат заинтересирани лица“ - рече заменик министерот за труд и социјална политика, Диме Спасов.

Директорот на Агенцијата за вработување на Република Македонија,  Влатко Поповски кажа дека компаниите можат да изберат кандидати какви што сакаат.

„Се надевам дека мерката ќе поттикне доста компании да ги отворат вратите да им дадат можност на младите да се едуцираат практично бидејќи нашиот образовен систем е доволно теоретски исполнет, а слаб со практична работа“-изјави Поповски.

Мерката практиканство лани ја искористиле 980 практиканти, по што 208 се во работен однос, а дел од нив преговараат за вработување во фирмите. Компаниите се задолжени да го исплатат надоместокот за доаѓање на практична работа, а практикант едно лице може да биде само еднаш во животот.