НЕВРЕМЕ НА БАЛКАНОТ: Погодени Белград и Загреб
Објавено во: Балкан 26 Мај, 2020
Силно невреме денеска имаше во Србија и Хрватска, каде на удар беа главните градови.
Врнежи од дожд проследени со град го зафатија денеска Белград. Невремето во наредните часови ќе се прошири и на северот од земјата.
Српските медиуми објавија видео-снимки од невремето.
Загреб денеска напладне беше погоден од силно невреме проследено со громотевици. Од невремето се зафатени и другите делови на земјата, каде паѓал силен дожд пропратен со ветер и молњи.Град паѓал во Вараждин, каде се регистрирани повеќе од 2000 молњи.
Ветерот откорнал парчиња од лим, на неколку места скршил гранки од дрвјата, пожарникарите испумпувале и вода од семејна куќа.
Тогаш беа погодени повеќе градови.