НЕВРЕМЕТО, ГРАДОТ, ПОПЛАВИТЕ ОДНЕСОА МИЛИЈАРДИ ДОЛАРИ ОД ОСИГУРИТЕЛНИТЕ КОМПАНИИ: Скоро 5 милијарди евра загуба имаат германските осигурувачи

Добивај вести на Viber

Поплави, град и други екстремни временски услови предизвикаа загуби на германските осигурителни компании во вкупен износ од 4,9 милијарди евра оваа година, што е прелиминарно за 900 милиони евра повеќе од 2022 година, соопшти денеска осигурителната асоцијација ГДВ.

Загубите произлегуваат од осигурената штета на станбени недвижности, имот на домаќинствата, деловни објекти и моторни возила. Силните бури во текот на летото предизвикаа многу штети кои само во август изнесуваа 1,5 милијарди евра.

Најголем дел од штетите се поради невремето и град

Невремето беснееше и во јуни, причинувајќи штета од стотици милиони евра, се наведува во соопштението на ГДВ. Најголем дел од трошоците во штотуку завршената година се штети од невреме и град, во вкупен износ од 2,7 милијарди евра. Поплавите и останатите временски непогоди направија штета од 900 милиони евра, нешто помалку од просекот.

Сепак, според ГДВ, осигурената штета на моторните возила изнесува 1,3 милијарди евра и е над долгорочниот просек. Оттука, загубите главно останаа на ниво на висок долгорочен просек од 4,9 милијарди евра, рече извршниот директор на GDV Јоерг Асмусен, се наведува во соопштението за медиумите.