Невремето направи пустош во Охрид - ќе се проценуваат штети
Објавено во: Македонија 18 Март, 2018
Силниот ветер со брзина од над 90 километри на час, направи штета на повеќе места на крајбрежјето на Охрид.
За справување со последиците од невремето, заседаваше Кризниот штаб на општина Охрид, на кој беа договорени конкретните активности на надлежните служби и нивна координација.
Нивото на Охридското Езеро е на 693,78 метри и тоа е 3 сантиметри над дозволената кота од 693,75 метри.
Имаше и бранови во висина од 120 сантиметри.Најголеми оштетувања има на крајбрежните објекти на потегот од Канео до градскиот плоштад.
Противпожарната единица имаше осум интервенции на паднати оџаци.
Денеска во Охрид се продолжува со чистење. Ќе бидат ставени на располагање сите ЈП со работници кои ќе бидат подготвени со алат и механизација за санирање на штетите. Правните и физичките лице кои се оштетени од понеделник ќе можат да поднесат барање за обештетување. Општинската комисија за проценка на штети од елементарни непогоди по пријава ќе излезе на терен.