НЕЗАПАМТЕНО НЕВРЕМЕ СОЗДАДЕ ХАОС ВО АВСТРАЛИЈА: Десетици илјади домови без струја, осум лица загинаа, меѓу кои и едно девојче (9)!
Објавено во: Свет 27 Декември, 2023
Стотици далноводи оштетени, многу домаќинства без струја, додека пожарникарите се борат со шумските пожари во западниот дел на земјата
– Најмалку осум лица ги загубија животите, а едно лице се води како исчезнато по разорното невреме што го зафати источниот дел на Австралија за време на божиќните празници – соопштија денеска властите.
Подрачјата погодени од невремето, кои се придружени со грмежи и обилни врнежи, ги вклучуваат Викторија, Нов Јужен Велс и Квинсленд.
Според извештаите, повеќе од 90.000 корисници сè уште се без струја, додека стотици далноводи претрпеле сериозни оштетувања, за што ќе бидат потребни неколку дена за да се врати напојувањето, пренесува Ројтерс.
Во некои од најтешко погодените области, силните ветрови буквално ги разнесоа покривите од куќите, додека соборуваа дрвја по нивните патеки.
– Три лица ги загубија животите кога се преврте јахта во близина на Грин Ајленд во заливот Моретон, Квинсленд – потврди Катарина Керол, полициски комесар.
Покрај тоа, деветгодишно девојче и жена се пронајдени мртви како последица на поплавите, кои зафатија различни делови на Квинсленд. Две лица трагично загинале кога биле фатени од паѓање на гранки.
“Tropical cyclone Jasper intensifies to a category 3 storm as it steamrolls towards Mackay in Queensland, Australia - and will hit category 5 tomorrow.”
— EmmaBorosKidd (@EmmaBorosKidd) December 6, 2023
Stay safe out there. Whatever happens. https://t.co/mVqpZVxcWU pic.twitter.com/zUXikY8EXU
Во Викторија, една жена е пронајдена мртва во камп по повлекување на поплавите, соопшти полицијата. Метеоролозите предупредуваат дека и денеска се очекуваат врнежи од дожд кои дополнително ќе ги оптоварат веќе погодените подрачја.
Во исто време, во Западна Австралија, бројни региони се борат со сериозни пожари. Пожарникар доброволец го загубил животот додека се обидувал да го локализира шумскиот пожар, објавија локалните медиуми.
Incredible drone shots of part of a highway underwater in Cairns, Queensland in Australia . This came after ex-Tropical Cyclone Jasper brought heavy rain to the region. The storm produced record breaking flooding. pic.twitter.com/dQIstRJdNj
— WeatherNation (@WeatherNation) December 19, 2023
Оваа серија несреќи во празничниот период ја остави заедницата во шок бидејќи властите и службите за итни случаи ги интензивираат напорите да обезбедат помош и да ја стабилизираат ситуацијата во погодените области.
Фото: Принтскрин/Твитер