НИ ФАЈЗЕР, НИ АСТРАЗЕНЕКА: Вакцинацијата во Македонија ќе почне со кинеските вакцини, набавката ќе биде меѓу 10 и 15 февруари

Добивај вести на Viber

Во Македонија вакцинацијата против Ковид-19 ќе почне со вакцината од кинескиот производител Синофарм, и иако министерот за здравство Венко Филипче во изјава за ТВ 21 не сакаше да шпекулира со точниот датум кога ќе ги имаме во земјава, премиерот Зоран Заев, за разлика од него, на денешната прес конференција напомена дека тоа може да се случи меѓу 10 и 15 февруари.

-Ние сме во завршната фаза од преговорите и практично во месец февруари, првата количина на вакцини која ќе пристигне во нашата земја, ќе бидат киенските вакцини и ние пактично целосниот процес на имунизација и веќе спремниот систем ќе започнеме со тие вакцини. Не би шпекулирал со точниот датум, меѓутоа за многу кратко време ќе го знаеме и тоа и потоа ќе го објавиме“, изјава министерот за здравство, Венко Филипче.

Премиерот Заев пак, истакна дека процедурата за набавка на вакцините од кинескиот производител во текот на неделава ќе биде сосема при крај, и дека се очекува набавката да се случи меѓу 10 и 15 февруари.

-Обезбедивме и партнер во државатѕа, тоа е Алкалоид, доколку има потреба да се оди преку партнер заради почитување на македонските закони и верувам дека и таа опција граѓаните ќе ја имаат во многу скоро време. Тоа што го знам е дека законските решенија се утврдени, се работи на начин по пат на преговарање за да ја обезбедиме час поскоро, истакна премиерот заев на денешната прес-конференција.