20 Јули, 2024
0.2005

НИКАКО ДА ИЗБЕГАМЕ ОД НАШИОТ „КРПЕН ЖИВОТ“: само за храна и основни продукти трошиме 70 отсто од примањата

Објавено во: Економија 11 Јули, 2024

Добивај вести на Viber

Стандардот на македонските граѓани и понатаму опаѓа, и покрај сите укажувања дека граѓаните најмногу трошат на основни продукти, и покрај растот на минималната плата, состојбите не се подбрени. Анализа изработена од Државниот завод за статисика, покажува дека во последните три години нашите сограѓани трошат скоро 70 проценти само на храна, пијалоци и основни домашни потреби.

- Просечното домаќинство во Македонија наменува околу 68,6 отсто од својата потрошувачка за задоволување на основните потреби како храна, облека, домување и покуќнина – нагласуваат статистичарите во анализата.

Бројките покажуваат дека во последните три години, најголем дел од трошоците на домаќинствата се за покривање на потребите за храна. Па така, ставката храна и безалкохолни пијалоци во 2021 година опфаќала 47,1 процент, за во 2022 година, кога имавме најголем пораст на цените на прехрамбените производи оваа ставка достигнала 51,1 отсто. Додека во текот на минатата година трошоците на домаќинствата за храна се намалиле и опфатиле 50,1 процент од примањата.

Нашиот „крпен живот“ честопати е тема на дискусија која најчесто ја потикнуваат синдикалните здруженија кои бараат раст на платите, осбоено потенцирајќи дека минатата година кога најмногу поскапуваше храната, владините функционери добија покачување од дури 78 проценти на платите. Поради превисоките трошоци кои ги имаат семејствата за основни продукти, синдикатите бараат раст и на минималната и на останатите плати во земајва.

- Сведоци сме дека додека платите на работниците се зголемуваат минорно, со забавено темпо и несоодветно на инфлацијата и зголемените трошоци на живот или воопшто не се зголемуваат, функционерите си обезбедија пораст на платите од енормни и незаслужени 78 отсто – посочуваат од Сојузот на Синдикати на Македонија.

Тие посочија дека имаме најниска минималната плата во регионот. Во Црна Гора минималецот изнесува 450 евра, Србија 423 евра, Босна и Херцеговина (Р.Српска) 450 евра, Хрватска 840 евра (бруто), Словенија 1.253,90 евра (бруто), Албанија 385 евра. Минималната плата во Македонија изнесува 22.567 денари (367 евра) и е најниска во регионот, како и просечната плата.

- Работниците бараат и очекуваат минимална плата од најмалку 450 евра како гаранција за заштита на најранливата категорија на населението како и за спречување на одливот на работната сила во државите од регионот – нагласуваат синдикатите.

Анализата на ДЗС покажува дека токму трошоците за храна имале најголем раст во 2022 година, од високи 20,9 проценти. Голем раст истата година бил забележан и кај транспортот од дуи 19 проценти, по што следува секторот домување со 13 проценти зголемување на трошоците.

П.О. 

Фото: Darko Cvetanoski on Unsplash

Можеби ќе ве интересира

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

НОВ РАСТ НА БРОЈОТ НА ПРЕТПЛАТНИЦИ - новите пакети на Нетфликс дадоа резултати

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

ПРВОТО РОЧИШТЕ ЌЕ БИДЕ НА 8 ОКТОМВРИ - отворен е стечајот на „Вартекс“, доспеаните кредити се над 16 милиони евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Србија ѝ го даде литиумот на Германија, Вучиќ: Немаме море и гас, ова ќе донесе 6 милијарди евра

Централата ТЕ-ТО исклучена поради невремето

Централата ТЕ-ТО исклучена поради невремето

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

ДОБИ ПРИЛИЧНО СОЛИДНИ ПАРИ, НО ПРАШАЊЕТО Е ЗОШТО ПРОДАВА - “Настел“ се сведе на 9,1 отсто акции во „Реплек“

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

„САМО ДО 2028, НИЕ ГРАЃАНИТЕ ТРЕБА ДА ВРАТИМЕ 1,8 МИЛИЈАРДИ ЕВРА ПО ОСНОВ НА КАМАТИ“: Левица за финансиската состојба во земјава

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

СИТНИ АКЦИОНЕРИ ПРОДАВААТ, ШВАЈЦАРСКИ „ДУФЕРКО“ КУПУВА - големиот странски сопственик ги зајакнува позициите во „Макстил“

НЕВЕРОЈАТНО: Во Агенцијата за вработување останале непотрошени 42 милиони евра

НЕВЕРОЈАТНО: Во Агенцијата за вработување останале непотрошени 42 милиони евра

Божиновска на Самитот на шефовите на држави и влади на членките на Европската политичка заедница

Божиновска на Самитот на шефовите на држави и влади на членките на Европската политичка заедница