Николиќ: Кој знае што им се случува на бегалците во Бугарија!

Добивај вести на Viber

„Слушнав дека овие луѓе (бегалците) откако ќе поминат низ планините помеѓу Бугарија и Србија, велат: „Само не не враќајте во Бугарија!“ Кој знае што се случува таму со нив, во оваа демократска земја, членка на ЕУ, откако тие реагираат така“. Тоа, го изјавил претседателот на Србија Томислав Николиќ во интервјуто објавено на сајтот на новинската агенција и радио „Спутник“.

„Ние не можеме да го решиме овој проблем, ќе имаме големи проблеми, но ќе се обидеме условите кај нас да не бидат човечки“, додал Николиќ.

Зборувајќи за бегалците воопшто, српскиот претседател изјавил: „Зошто ние поради тоа треба да ги трпиме последиците, откако 90% од нив сакаат „да отидат“ во само четири земји од Европа? И овие земји имаат во музеите диносауруси и мамути. Тоа не било ископување на територијата на нивната земја, како ние да најдовме диносаурус во Костолац. Не, тие го грабнале сето ова, им се допаднало и убивале поради тоа. И народот тргнал за своето богатство“, објаснува Николиќ.

„Ќе беше подобро таму да им изградат фабрики и тие да сакаат да останат во својата земја и да живеат подобро. Така ќе најдат начин да се населат во Европа. Србија не е нивната желба, бидејќи ако останат во Србија, нема да ја постигнат својата целта со која тргнале“, додал српскиот претседател.

Томислав Николиќ изјавил исто така дека за Западот е подобро да соработува со Русија, бидејќи играјќи си со нејзините вредности и гордост, си игра со светскиот мир и безбедност. „Многу подобро ќе е да соработуваат со Путин, бидејќи тој може да го среди светот отколку сите да се караат со него, бидејќи тоа може да го уништи светот“, изјавил Николиќ, цитиран на сајтот на српскиот весник „Блиц“.