Николоски најави дека од Гевгелија до Солун со брза пруга ќе се стигнува за 30 минути

Добивај вести на Viber

Гевгелија ќе се поврзе со Солун со брза пруга. 

Потпретседателот на ВМРО-ДПМНЕ и вицепремиер Александар Николоски денеска ја посети Гевгелија, каде што заедно со локалните власти најави реализација на нови инфраструктурни проекти што, како што објасни, ќе го трансформираат регионот и ќе го направат центар за туризам и бизнис.

„Кога ќе се завршат сите овие инвестиции, Гевгелија ќе добие централно место во регионот. Со брзата пруга до Солун ќе се патува само 30 минути, а до Скопје околу еден час. Гевгелија ќе стане главен транспортен, бизнис и туристички центар во Македонија“, рече Николоски.

Вицепремиерот најави и низа нови проекти за локалната инфраструктура, меѓу кои реконструкција на улици во населените места Моин, Прдејци и Богородица, чија реализација почнува во наредните денови.

„Завршена е постапката за избор на изведувач и наскоро почнуваат со работа, што ќе биде од големо значење за овие населени места. Во тек е и изработка на проектна програма за патот Гевгелија – Ново Коњско во должина од 5 километри, кој очекуваме да биде целосно завршен во текот на следната година“, рече Николоски.

фото ВМРО-ДПМНЕ