НИКОЛОСКИ НАЈАВИ КРАЈ НА ДИВЕЕЊЕТО НА ЦЕНИТЕ НА СТАНОВИТЕ: „Ќе ставиме крај на уцените на градежниците“
Објавено во: Економија 08 Ноември, 2024 07:00
Министерот за транспорт и врски Александар Николоски на вчерашното ставање камен темелник на станбена зграда во Битола, која ја гради АД за изградба и стопанисување со станбен и деловен простор, најави дека сериозно ќе го регулира пазарот на недвижности.
„Првата зграда која што после долги години ја гради Јавното претпријатие,а чија што основна задача е да го регулира пазарот на недвижности. Знаете дека станбениот квадрат и во Битола и во Охрид и во Штип и во Скопје отиде многу високо и она што можам да го најавам е за овие 65 сстанови кои што ќе се изградат тука исто така ќе има и седум деловни простории како и 100 паркинг места, цената ќе биде најмалце за 30 до 40 проценти поевтина од она што е пазар во моментов во Битола, со што мислам дека ќе ставиме крај на уцените кои што ги прават градежниците со екстремно високи цени кои што не соодвестуваат на стандардот на македонските граѓани и луѓето се доведоа во ситуација да буквално се иселуваат од државата затоа што не можат да си дозволат да купат стан или куќа и ова е само прв чекор“, рече тој.
Најави дека од следната година сериозно ќе го развиваат и проектот Купи куќа за млади, кој што треба да овозможи по доста пристапни цени младите да можат да изградат или да купат куќа, а и ќе продолжиме со вакви проекти во делот на станбената политика.
Можеби ќе ве интересира
Германија ги заострува условите за социјална помош
Руски министер кажа колкав процент од БДП потрошиле за војната во Украина
(ВИДЕО) АВСТРАЛИЈАНЕЦ СЕДУМ ГОДИНИ СОБИРАЛ АМБАЛАЖА: Заштедил за куќа
Колку дозволи издаде Хрватска за македонски работници?
Кои европски земји имаат најниски нивоа на БДП по глава на жител?
Ристески објасни како од 1 јануари ќе ја пресметуваат просечната потрошувачка кошничка
Цената на среброто скокна над рекордните 65 долари за унца
Фатих Шахбаз е нов главен извршен директор на Халкбанк АД Скопје




