Норвешка компанија заинтересирана за стопанисување со скопскиот трамвај

Добивај вести на Viber

Норвешкиот конзорциум ПЈ Скурдал и Метнит групација се заинтересирани за јавно приватно партнерство со градот Скопје за проектирање, изградба, финансирање и стопанисување на трамвајскиот систем во Скопје. На денешниот рок за понуди до Градот Скопје пристигнала само една понуда. Од градот велат дека се работи за обемна документација која што ќе треба да се евалуира подолг период. Засега не се откриваат детали за доставената понуда. Колку пари понудила оваа копманија и каков е проектот ќе биде познато по разгледувањето на документацијата. Во огласот за јавно приватно партнерство беше наведено дека Концесионерот што ќе се избере е должен да набави 22 трамвајски восилиа, да ја проектира трамвајската траса која што е предвидено да биде во должина од 12,1 километри, однсно 2,4 километри во двата правци, да изгради трамвајски станици, депоа и да стопанисува со системот во согласност со рокот нведен во договорот, однсно следните 35 години. Понудувачот треба да поседува соодветни сертификати за квалитет и заштита на животната средина, во последните три години да има остваренои приход од 700 милиони евра и најмалку 4 склучени договори за трамвајски или метро системи. Претходно од градот известија дека интерес за оваа нивестиција покажале неколку странски фирми од Франција, Хрватска, Полска Чешка и Германија, иако сега има само една понуда. Оваа инвестицијата се проценува дека ќе изнесува 243 милиони евра. Во следните 35 години освен Градот, со 50 проценти ќе учествува и Владата. Во првите 4 години ќе се одвојат по 16 милиони евра, 3,4 милиони евра годишно од четвртата до деветата година, 1,3 милиони евра годишно од деветата до триесет и петтата година. Се уште не е одлучено со колкав процент во финансирањето ќе учествува приватниот партнер. Трамвајот ќе го поврзува источниот и западниот дел на градот, односно од Ново Лисиче до Ѓорче Петров, минувајќи низ центарот – со вкупна должина од околу 24 км во двете насоки и фреквентна временска рамка од 3-6 минути.