НОВ БРАН ОТКАЗИ ВО ГЕРМАНИЈА - Луфтханза најавува укинување на 4.000 работни места

Добивај вести на Viber

Германската авиокомпанија „Луфтханза“ (Lufthansa) најави дека ќе укине 4.000 работни места до 2030 година, како дел од планот за зголемување на профитабилноста.

Укинувањата на работните места пред сè ќе биде во Германија и на административните, а не на оперативните позиции. Тоа ќе биде најголемо намалување на работната сила од пандемијата Ковид-19 и ќе биде спроведено во консултации со социјалните партнери.

Групацијата Луфтханза неодамна имаше околу 103.000 вработени. Компанијата сега се стреми кон оперативен профит, усогласена заработка пред каматите и даноците (ЕБИТ), од осум до 10 проценти од приходите, во споредба со претходната цел од осум отсто.

За оваа година, менаџментот изјави дека очекува усогласената ЕБИТ значително да ги надмине минатогодишните 1,6 милијарди евра

Lufthansa is to cut 4,000 jobs, nearly four percent of the German airline giant's workforce, after profits slumped in the face of mounting headwinds.

Hit by walkouts, aircraft delivery delays and rising costs, Lufthansa's earnings tumbled by a fifth in 2024 and profitability has… pic.twitter.com/AwB92L4HDS

— Breaking Aviation News & Videos (@aviationbrk) September 29, 2025

Групацијата Луфтханза управува и со „Свис“ (Swiss), „Аустриан“ (Austrian) и „Бриселс ерлајнс“ (Brussels airlines) и има малцински удел во италијанската „ИТА“.