НОВ ЧЛЕН НА УПРАВНИОТ ОДБОР НА ТТК БАНКА - Димитри Трповски кариерата ја почнал и ја гради во банката
Објавено во: Финансии 20 Април, 2023
Управниот одбор на ТТК Банка АД Скопје добива нов член. Имено, м-р Димитри Трповски, по претходна согласност на Гувернерката на НБРМ, станува член на Управниот одбор на Банката и ќе биде надлежен за работењето на Секторот за комерцијално банкарство.
Трповски по образование е дипломиран економист. Во 2010 година магистрира во областа на финансиите. Деловната кариера ја започнува и ја гради во ТТК Банка АД Скопје.
Своето 18 годишно професионално искуство го стекнува во областа на комерцијалното и стратешкото банкарство, од кои 14 години на раководни позиции како заменик Директор на Сектор за комерцијално банкарство и Директор на Сектор за стратешко банкарство.
Како Член на Управниот одбор на ТТК Банка ќе биде надлежен и ќе го координира работењето на Секторот за комерцијално банкарство, кој го покрива работењето на Дирекцијата за деловна мрежа, Дирекцијата за средства и ликвидност и Дирекцијата за маркетинг и развој на производи.